કોઈના દિલમાં વસીને રાચવાનું હોય છે,
આપણે તો દોસ્ત આમ જ જીવવાનું હોય છે.
પ્રેમ મારગ પર તો અવરોધો ય આડા આવશે,
આપણું તો લક્ષ જ તેને ચાહવાનું હોય છે."
કેટલા ખેલો ને જીત્યા કેટલા હાર્યા ના ગણ,
ખેલ હારી,કોઈનું મન જીતવાનું હોય છે.
શંખ,ઝાલર,ફૂલડા ને ચોતરફ છે પ્રાર્થના,
મંદિરે જઈ આપણે તો પૂંજવાનું હોય છે.
આકરામાં આકરો આ પ્રેમ મારગ છે છતા
આપણે તો એજ માર્ગે ચાલવાનું હોય છે.
.....અશોક વાવડીયા,"રોચક"
ટિપ્પણીઓ નથી:
ટિપ્પણી પોસ્ટ કરો