ભીંતરે કેટલું દટાયું છે ?
અંતરે જેટલું સમાયું છે.
જાનકી ને બચાવવામાં, જે,
મોતને ભેટયું, જટાયું છે.
જંગ જીતી પરત ફર્યા ત્યારે,
રોશનીથી અવધ નહાયું છે.
પાપનો ભાર જ્યાં વધારે છે,
કાનુડો, નામ ત્યાં છવાયું છે.
જીવ છે કીમતી, ધનીકોનો,
આમ માનવ ને ક્યાં જીવાયું છે.
અર્થ ફરતાં ફર્યો છે પડછાયો,
ધ્રુસકે ધ્રુસકે રડાયું છે.
ભેખડે ભેરવાઇ જે શીખ્યા,
કાગળે તેટલું લખાયું છે.
~અશોક વાવડીયા,《રોચક》♡
# છંદ=ષટ્કલ વિષમ ૧૭
ગાલગા ગાલગાલ ગાગાગા
ટિપ્પણીઓ નથી:
ટિપ્પણી પોસ્ટ કરો