સંધ્યા ટાણે,રવિ ક્ષિતિજે છટકી જાશે,
ચંદ્ર છે નાજુક, જાળવ,અટકી જાશે.
શમણાં સુંદર લાગે, તારી યાદોના,
રાત્રી લાગે છે છાની ભટકી જાશે.
નંબર આપી દે સઘળા શમણાંઓને,
કોઈ શમણું ડાળેથી બટકી જાશે.
ક્ષણની દૂરી, સાલોની લાગે ત્યારે,
આંખોમાં કણની માફક ખટકી જાશે.
"રોચક"જગ જીતીને આવીએ જ્યારે,
અંગત, આવીને ઉલટા પટકી જાશે.
-અશોક વાવડીયા,《રોચક》♡
# છંદ=અષ્ટકલ રર
ગાગાગાગા ગાગાગાગા ગાગાગા
ટિપ્પણીઓ નથી:
ટિપ્પણી પોસ્ટ કરો