સમી સાંજની તારી આ યાદ,
જાણે,
ભીતરની ખારાશને ધોવા,
જાણે મુજ હ્રદય સાગરને મીઠું ઝરણું મળ્યું..
સમી સાંજની તારી આ યાદ,
જાણે,
રાત્રીના રાતરાણીના પુષ્પની સોડમ,
સૂર્યકિરણ પડતા જ મારા દિલમાં સમાય..
સમી સાંજની તારી આ યાદ,
જાણે,
કડકડતી ટાઢથી કાંપતી ટુંટીયું વળીને પડેલી,
તારી હર્ષ ઘેલી મારા તરફની કુંણી લાગણી..
સમી સાંજની તારી આ યાદ,
જાણે,
ભર ઉનાળાની કાળઝાળ ગરમીમાં,
અચાનક મેઘની જેમ તારું વરસવું.
-અશોક વાવડીયા,《રોચક》♥
ટિપ્પણીઓ નથી:
ટિપ્પણી પોસ્ટ કરો