તારા વિયોગમાં કાગળ તને લખું છું,
ફરી તારા નામે આજ હું મને લખું છું.
વિખુટા પડ્યા ત્યારથી આજ સુધીના,
એક એક કરી સંભારણા તને લખું છું.
હું તો અહિયા ખોવાયો છું મારામાં,
અને શોધતો ફરું હું કંઈક તારામાં,
ચાલી રહેલી એકલતા તને લખું છું.
ફરી આપણા ગામની નદીનાં પટ પર,
તારેને મારે મળવાનું થાયના થાય પણ,
તારી સાથે વિતાવેલી યાદો તને લખું છું.
હવે ફરી ક્યારે મળીશું 'રોચક' ખબર નથી,
આપણે વિખુટા પડ્યાની ફરિયાદ તને લખું છું.
-અશોક વાવડીયા,《રોચક》♥
ટિપ્પણીઓ નથી:
ટિપ્પણી પોસ્ટ કરો