દિવસે રહે દિનકરનો ઉંજાસ
રાત્રે નિશાકરનો રહે સંગાથ
મને તો તારી નજરુંના ફાનસ હશે તો પણ ચાલશે,
મુજ જીવનપથ પર..
તું ના રહે જ્યારે મારી પાસ
વિહવળ હ્દય કરે તને સાદ
તારી યાદની એકાદ હેડકી આવશે તો પણ ચાલશે,
મુજ હ્દયકુંજ પર...
વન વન ભટકું તારે કાજ
દિલને રહિ એક તારી ચાહ
તું ના મળે તો તારી વાંસળીનો સુર પણ ચાલશે,
મુજ ભટકતી ગોપીને..
તું ખુશ રહે એવું ચાહું આજ
તું દઈ દે તારા દુ:ખોને આજ
તારી એકાદ મીઠી મુસ્કાન હશે તો પણ ચાલશે,
મુજ મુખ પ્રદેશ પર...
-અશોક વાવડીયા,《રોચક》♥
Like And Join Blog:http://ashokvavadiyablog.wordpress.com
ટિપ્પણીઓ નથી:
ટિપ્પણી પોસ્ટ કરો